Free 3 Gas Cylinder : नमस्कार मित्रांनो मुख्यमंत्री अन्नपूर्णा योजनेअंतर्गत पात्र महिलांना दरवर्षी तीन मोफत गॅस सिलेंडर दिले जातात. या योजनेचा लाभ त्या महिलांना मिळतो, ज्या मुख्यमंत्री माझी लाडकी बहीण योजनेस पात्र आहेत आणि ज्यांच्याकडे प्रधानमंत्री उज्ज्वला गॅस योजना अंतर्गत गॅस कनेक्शन आहे किंवा ज्यांच्या नावावर लाडकी बहीण योजनेअंतर्गत गॅस कनेक्शन नोंदलेले आहे.
२०२४-२५ सालचे अनुदान जमा झाले
आर्थिक वर्ष २०२४-२५ साठीच्या तीन गॅस सिलेंडरचे अनुदान पात्र महिलांच्या बँक खात्यात थेट लाभ हस्तांतरण (DBT) प्रणालीद्वारे आधीच जमा करण्यात आले आहे. जर काही लाभार्थ्यांना अद्याप या अनुदानाचा लाभ मिळालेला नसेल, तर त्यांनी आपले बँक खाते तपासावे आणि आवश्यक ती खात्री करावी.
२०२५-२६ सालचे अनुदान कधी मिळणार?
आर्थिक वर्ष २०२५-२६ साठीचे गॅस सिलेंडर अनुदान येत्या ऑगस्ट किंवा सप्टेंबर महिन्यात पात्र महिलांच्या खात्यात जमा होण्याची शक्यता आहे. राज्य सरकारने यासाठी संबंधित विभागांना निधी वाटप करण्यास सुरुवात केली आहे.
उदाहरणार्थ १० जुलै २०२५ रोजी आदिवासी विकास विभागाला अनुसूचित जमातींमधील लाभार्थ्यांसाठी मंजूर २५ कोटी रुपयांपैकी १५ कोटी रुपये वितरित करण्यात आले आहेत.
अनुदानाचे नियम काय आहेत?
या योजनेअंतर्गत एका महिलेला दरमहा एका गॅस सिलेंडरवर आणि वर्षभरात जास्तीत जास्त तीन सिलेंडरवर अनुदान दिले जाते. या मर्यादेच्या अधीन राहून लाभार्थ्यांना ही मदत मिळते.
इतर श्रेणींसाठी अनुदानाची माहिती
सामान्य प्रवर्ग, अनुसूचित जाती (SC) आणि इतर पात्र गटांतील महिलांसाठीही लवकरच निधी वितरित केला जाणार आहे. या लाभार्थ्यांचेही तीन सिलेंडरचे अनुदान ऑगस्ट किंवा सप्टेंबर महिन्यात DBT प्रणालीद्वारे खात्यात जमा केले जाईल.
